МЕКТЕБІМІЗДЕ ТАНЫМДЫҚ КЕЗДЕСУ ӨТТІ

✨ 2026 жылдың 15 мамыр күні мектебімізде ата-аналарға арналған өзекті әрі маңызды іс-шара ұйымдастырылды.

Аталған кездесу Алматы қаласы Дін істері жөніндегі басқармасының «Дін мәселелерін зерттеу орталығы» КММ тапсырысы негізінде, қоғамдағы экстремизм мен терроризмнің алдын алу бағытында өтті.

🗣 Іс-шара барысында ақпараттық түсіндіру тобының мүшесі, Алматы қаласы Дін істері жөніндегі басқармасына қарасты Кеңес және оңалту орталығының теологы, дінтану магистрі Нармуханов Бахтияр Жомартович сөз сөйледі.

Кездесуде келесі маңызды мәселелер талқыланды:

🔹 Өскелең ұрпақты жат діни ағымдардың ықпалынан қорғау;

🔹 Интернет пен әлеуметтік желілердегі діни ақпараттарды іріктеу мәдениеті;

🔹 Отбасындағы рухани құндылықтар мен бала тәрбиесіндегі ата-ананың рөлі.

🤝 Ата-аналар тарапынан қойылған сұрақтарға тұщымды жауаптар беріліп, өзара пікір алмасу орын алды. Балаларымыздың жарқын әрі қауіпсіз болашағы — өз қолымызда!

Іс-шараға белсенді қатысқан барлық ата-аналарға алғыс білдіреміз!