1 қыркүйек - Білім күні

Сыңғырлаған алғашқы қоңырау: Мектебіміз өз шәкірттерін қарсы алды!

1 қыркүйек – Білім күні мектебіміздің табалдырығында айрықша салтанатпен аталып өтті. Бұл күн – арман қуған жастардың, білім шыңына ұмтылған өрендердің және ұлағатты ұстаздардың ортақ мерекесі.

Биылғы оқу жылы біз үшін ерекше. Мектеп табалдырығын алғаш аттаған 1-сынып бүлдіршіндері үшін бұл күн үлкен өмірге бастар алғашқы қадам болса, мектеп бітіруші түлектеріміз үшін қимас та соңғы алғашқы қоңырау соғылды.

Мерекелік шара барысында:

• Мектеп директоры құттықтау сөз сөйлеп, оқушыларға сәт-сапар тіледі;

• Үздік оқушылар ту көтеру мәртебесіне ие болды;

• Алғашқы қоңырау үнімен бірге барлық сыныптарда «Білім – баршаға» атты ашық тәрбие сағаттары өтті.

Барша оқушыларды, ата-аналар мен ұстаздар қауымын жаңа оқу жылының басталуымен құттықтаймыз! Биік белестерді бағындырып, білім нәрімен сусындай берейік!